【男人唔壞女人唔愛】張兆輝曲線晒恩愛:所以我咪得我太太!

藝人張兆輝正忙於劇集《飛虎極戰》拍攝的同時,最近又有電影上畫!由他主演的電影《黑白迷宮》,不但有齊正邪對立,黑白對決,又有臥底、槍戰元素集於一身,表現獲外界一致好評!為了答謝影迷支持,輝哥百忙中抽空連日到內地路演,單是前日(2日)他在廣東中山已跑足七間戲院逐一謝票,既落力又親民!

今次張兆驚喜現身謝票,吸引大批影迷到場舉牌支持,更有唔少女粉絲送上花束以表心意,她們仲大嗌輝哥戲中的角色「叉燒」好型,搞到一向寡言的輝哥都被粉絲們的熱情融化,表現跳脫!當有影迷在看畢電影後,大讚輝哥跟伍允龍動作場面,尤其槍戰部份夠晒精彩,輝哥則讚伍允龍有功夫底子,故打鬥最為擅長 ,而自己則擅長開槍,他更興奮自爆說:「大家眼見電影海報我揸槍嘅甫士好型,但其實當時我足足要定鏡三分鐘。」雖然他為做型男有苦自己知,但見到在場影迷不斷高呼靚仔、好戲,都令他甜入心!

張兆輝深受粉絲歡迎
張兆輝深受粉絲歡迎
大合照
大合照

曲線晒恩愛

此外輝哥在戲中要為愛妻及女兒復仇,當中不乏內心戲,司儀趁機大讚他現實生活中亦是出名好男人,輝哥即講笑說:「冇用!人哋話男人唔壞女人唔愛……所以我咪得我太太!」咁樣曲線同老婆晒恩愛,成功贏取現場掌聲,難怪謝票尾聲時影迷爭相跟這位「好男人」自拍。

張兆輝連日到戲院謝票
張兆輝連日到戲院謝票

有時間願意再謝票

至於完成七場謝票後,輝哥表示:「其實去謝票都幾開心,因為每個入場嘅觀眾睇完電影後嘅第一反應係最直接,無論係好定唔好都可以即時知道,作為演員又可以唔大家分享感受,所以檔期OK,我都願意現身支持!」

張兆輝
張兆輝
分享: