【港姐2017】Do姐話晒事!雷莊兒奪冠勁兒戲

《2017香港小姐競選》昨晚(3號)於電視台順利舉行,近年港姐的討論度每況愈下,今屆港姐的宣傳大多都依靠班港姐喺Big Big Channel開Live,唔睇Big Big Channel可能都唔知今年港姐做緊乜,加上話題度又低,搞到去到昨日有種無聲無色就到決賽的感覺,誰知今屆港姐到最後都成功帶起話題,不過就係爭議的部分。

Do姐有最終話事權

今年港姐棄用全民投票,改用評判投票方式,在宣布冠軍及亞軍的時候,由8人評審一人一票選出冠軍,而票數打和的話,則由「校長」鄭裕玲(DoDo)有最終決定權!最後由5號雷莊兒奪冠、亞軍則是1號何依婷,至於季軍由4號黃瑋琦奪得。

何依婷得亞軍(影片截圖)
何依婷得亞軍(影片截圖)
黃瑋琦得季軍(影片截圖)
黃瑋琦得季軍(影片截圖)

網民鬧爆兒戲

不過由全民投票變返評判投票,呢個還原基本步的舉動已經令唔少網民批評唔公平,點知去到決賽當晚,唔知係咪想營造好緊張嘅氣氛,當剩下何依婷及雷莊兒爭奪冠軍寶座時,評判竟然好巧合咁4比4打和,唔知仲以為睇緊獎門人添!最後有最終決定權的Do姐就將「神聖一票」投畀雷莊兒,令她成為當晚冠軍!咦……咁樣選會唔會兒戲咗啲?其實Do姐未投票之前,何依婷係以4比3領先,而正正因為Do姐有兩票關係,令她失落冠軍,難怪唔少網民鬧爆仲衰過當年觀眾投票冧Server,同埋呢個咁戲劇性的賽果都畀唔少網民質疑「內定」!一班不忿的網民仲衝晒去Do姐個社交網鬧爆,批評佢一個玩晒啦,仲話咁樣選法仲兒戲過小學選班長。

唔少網民喺鄭裕玲IG到鬧爆
唔少網民喺鄭裕玲IG到鬧爆

其實作為一個電視台大型的選美節目,雖然吸引力一屆不如一屆,但唔代表要一年Hea過一年,今次呢個投票的方式,除咗害咗雷莊兒無辜被鬧,負責她們最後生死嘅Do姐亦被人插爆,甚至連港姐僅有的公信力都直綫下降!如果只以交功課的心態去做嘅話,真係停辦好過做得肉酸畀人當笑柄!

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟