想囝囝輕鬆啲 陳豪棄名校揀了「它」

藝人陳豪出晒名錫屋企人,同老婆陳茵媺結婚後三年抱三,要湊咁多個小朋友,陳豪自然要加把勁努力搵錢,務求要畀小朋友最好的生活、教育等等。

而不經不覺陳豪的大仔陳梓燁(Aiden)已經三歲要升K1,陳氏夫婦為咗幫囝囝揀間好學校絞盡腦汁,早前有傳他們為咗訓練囝囝做數學天才,幫佢揀咗間偏門猶太教國際學校,不過今日(1號)就有周刊報道,爆料指原來 Aiden係就讀位於半山的幼童樂園協會幼兒園。據知兩公婆希望小朋友能夠輕鬆點,而該學校採用活動教學,並且沒有功課壓力,這兩點令他們大為滿意。而住在大埔比華利山的他們為了囝囝,亦不介意每日花來回兩個鐘的車程,親自送囝囝返學放學,果然父母是非常偉大!

教學方式深得陳氏夫婦歡心

周刊報道更指Aiden就讀的幼兒園雖然不是名校,但勝在學校堅持行小班教學,一班只有1015人,並使用英國「兒童啟蒙階段學習」課程,即專注在讀寫、溝通、體能、數學同社交等七大學習領域,同時亦採用活動教學,功課量不多,另外學費亦只係48400元一年,故深得陳豪及陳茵媺歡心。

分享: