【美女廚房】G.E.M. Deep V小背心煮鍋茶 網民:集中唔到

歌手鄧紫棋(G.E.M.)最近忙於為其「Queen of Hearts」世界巡迴演唱會演出,而明日(2號)她將會舉行重慶站的巡唱,日前她已經飛往內蒙古準備,就算準備工作忙碌也好,G.E.M.難得去到當地,當然要試吓當地特色的東西,她更拍片與粉絲們一同分享!

G.E.M.未煮完已經係咁食(影片截圖)
G.E.M.未煮完已經係咁食(影片截圖)

網民錯重點

G.E.M.昨日(831號)於社交網上傳一段她試飲「鍋茶」的片段,片中見到她親手製作「鍋茶」,仲好期待咁話:「鍋茶係鹹嘅奶茶,聽聞係全世界最好飲!」而「鍋茶」仲未整好嘅時候,G.E.M.已經忍唔住兼不顧儀態咁試食啲配料,最後煮好咗之後更即刻拎嚟品嘗,仲食到啜晒手指,食得非常滋味!不過一班網民嘅重點卻放晒喺G.E.M.嘅衣着身上,皆因她着上Deep V吊帶小背心,事業線表露無遺!唔少網民都留言話G.E.M.咁樣着會令佢哋迷失焦點,好難集中精神睇美食,更有粉絲話要搵人拎件披肩G.E.M.披好!

G.E.M.笑到咁,究竟係好飲定唔好飲呢?(影片截圖)
G.E.M.笑到咁,究竟係好飲定唔好飲呢?(影片截圖)
分享: