被寸西環契弟兼鍾意抽水 林作反擊袁彌明:你先係不斷抽人水

有時候有一啲人遇到一件事,無論識唔識得當事人,都總要加把口評論,呢個行為亦可解作「抽水」!而日前袁彌明就「十優港姐」麥明詩的言論,在社交網發表咗一篇長文,文字間就辣㷫咗麥明詩嘅前度——即係林作喇。

話說最近麥明詩在主持的節目《後生仔傾吓偈》入面,講到女人老咗會貶值,生咗BB淨係可以專心湊仔,但又擔心將來老公會搞外遇,最後拋妻棄子,自己離婚的話會一無所有,對未來都幾悲觀吓,最後佢仲講到喊添!

女人不需要妄自菲薄

至於袁彌明睇完麥明詩嗰段發言後,在社交網寫咗篇長文,似乎係想勉勵麥明詩,她認為男女AppreciateDepreciate只是一種看法及選擇,女人不需要妄自菲薄。對於麥明詩所講「離婚冇咗個男人,咪乜都冇」嘅看法,袁彌明則不認同,她認為「婚姻不是安全感保障,只是兩個人承諾以最大努力長相廝守。任何人把安全感完全託付第三者是最不安全的做法。」,她更直言:「一個無安全感的女人再加上『無咗男人乜都無』的想法,等於10號風球+山泥傾瀉,災難上的災難」

寸林作係西環契弟

雖然她所有言論都似乎關於麥明詩以及時下女性,然而袁彌明文中第一句的Hashtag正是 當十優港姐遇上西環契弟,而她在文尾更說:「當十優港姐遇上一個連頭髮都梳到亂糟糟、分手後仲不斷抽前女友水宣傳的西環契弟,對愛情婚姻悲觀也難怪。」

林作:Do I even know you?

無啦啦畀人寸到應一應,林作自然火都嚟,佢昨日都在社交網留言反擊說:「其實真係唔係要計較,but Errr excuse me, do I even know you?! 人地(哋)感情,需要你咁樣去批判嗎。傳媒點寫,你就信係事實?!重點係,我不斷抽水?!我已經幾多次用以下方式回答問題了?我咁樣係叫抽水借宣傳 ?!定係你無事走黎(嚟)批評我更加似係chok noise?! 定係我先係不斷俾人抽水?定你先係由選港姐到而家都不斷抽人水?要唔要列返個表俾你呀?定你自己上網搵返嚟睇?#每次都係記者提起 #每次都係對方提起 #每次都係你呢啲抽水人提起 #我自己就一直迴避 #唔通我即刻反面 #我又唔係陳冠希 #其實我EQ高 #點解又關西環事 #我住中環」

林作Facebook留言反擊
林作Facebook留言反擊
分享: