擔遮有大媽Feel?許廷鏗怕曬甘願做「大媽鏗」

今年個夏天好似特別熱,每次一出屋企門口就已經覺得就嚟熱到溶,搞到每次出街都出盡法寶遮太陽,而遮太陽的方法有好多種,不過就唔係個個都鍾意拎住把遮遮太陽喇,皆因好多人都會覺得呢個動作係大媽所為!然而可能因為天氣太熱的關係,一向行開靚仔路線的歌手許廷鏗(Alfred)都自言要做大媽!

自稱「大媽鏗」

Alfred在社交網上傳一張擔住遮的照片,仲講笑話大家可以叫佢做「大媽鏗」,他留言說:「#細個覺得大太陽開遮既只會係大媽 #宜家大個發現原來真係幾大媽 #不過真係熱到唔開遮唔得 #曬到頭頂都甩皮 #話時話 #黎緊又有颱風黎緊 #我攞住把遮備用都係非常合理既(嘅)」雖然Alfred自嘲做「大媽鏗」,不過一班粉絲就話呢個「大媽」好型,仲話大媽唔會襯晒全黑造型,有粉絲更留言說唔理Alfred係大媽定Oppa,都一樣咁鍾意佢咁話喎

分享: