樂做湊仔公 張繼聰向謝安琪示愛:I love you

歌手謝安琪日前表示自己產後還未處於最佳狀態,加上享受現在的家庭樂,故此未有意欲復出。老婆講到明唔復出住,搵錢嘅重任自然就落在老公張繼聰身上,不過近年阿聰越撈越掂,並獲蕭定一賞識加盟hmv數碼中國集團,其後將主力拍電影,更有傳簽約金高達千萬港元,所以要他一個孭起成頭家絕無難度!

同老婆示愛

至於阿聰除了為了家庭努力工作外,他一有時間就會抽空陪伴老婆仔女,好似今日(15號)他在社交網上傳一張新相,見到阿聰揹住囡囡張靖(Karina),跟囝囝張瞻模仿Karina啜手指,相當搞笑!而他就留言說:「感謝幫我地影依張相嘅小姐,I love you」雖然阿聰冇開名,但一班心水清嘅網民都知道這名「小姐」就是老婆謝安琪,唔少網民都直言他們一家人很幸福!

分享: