33歲李彩華唱《你唔愛我啦》 少女味消失只剩濃濃尷尬味

「是但啦,算數啦,唔煩你啦,無人錫我啦!」哇!呢句真係有聲o架!除咗「李彩華小背心」外,呢首《你唔愛我啦》可謂李彩華的代表作,首歌喺2002年推出,係唔少8090後的集體回憶!而昨晚(13號)播出無綫節目《流行經典50年》(冇錯!係唔少8090後認為唱懷舊歌嘅節目)就邀請了李彩華做嘉賓,她更演唱了這首代表作品!

「李彩華小背心」可以講一世(網上圖片)
「李彩華小背心」可以講一世(網上圖片)

尷尬味濃

數數手指,李彩華都已經33歲,而這首充滿住少女味的歌則是15年前,當時她只得18歲,從少女轉變成半熟女,究竟她在再演唱這首歌會產生什麼效果?答案就係充滿住濃濃的尷尬感覺,雖然她還保持到多年來一貫的唱功,但她可能仍心知自己已非少女,唱起這歌時難免未能很放開來唱,導致整個表演只有「交功課」的感覺,而最後她係咁唱「你唔愛我」後再飆個高音,呢種撒嬌扭計的感覺畀佢搞到有種唔情願的感覺,簡直隔住個Mon都覺得尷尬!

望到李彩華唱到咁都戥佢尷尬(影片截圖)
望到李彩華唱到咁都戥佢尷尬(影片截圖)

《你唔愛我啦》叫經典?

至於一班網民觀看完她的演出後,有唔少人都認為她不應該選這首歌,覺得她比上次黃偉文作品展時的演出沒那麼投入,更提議她演唱《分手勿語》較為適合,還有人反問「《你唔愛我啦》叫經典?」。雖然《你唔愛我啦》感覺上比較「騎呢」,但其實歌曲出自有名的音樂人黃偉文及伍樂城,加上是當時少數全首均用口語填詞的歌,就算畀人感覺「膠膠地」,但當年真係幾乎每個8090後都識, 都算配得上「流行經典」這個要求!嚟緊李彩華將會在10月舉行演唱會,唔知佢喺自己個騷再唱《你唔愛我啦》會唔會仲係咁尷尬呢?

李彩華以前少女味特濃(網上圖片)
李彩華以前少女味特濃(網上圖片)
可惜此景不再,仲畀人話佢同徐子珊撞樣(微博圖片)
可惜此景不再,仲畀人話佢同徐子珊撞樣(微博圖片)
分享: