夢想同老公裸泳 何紫綸迫老公操肌

名模何紫綸(Ann)日前與藝人何佩瑜(Jeana)乘座遊艇出海出席活動,Ann透露自己向來熱愛水上活動,但為免曬黑都要轉行「避暑政策」,減少滑水及曬太陽,然而每當出外旅行時仍會享受陽光與海灘,更夢想與老公「愛的裸泳」:「我想去無人嘅沙灘坦蕩蕩曬太陽,因為曬到有泳衣痕唔好睇,我亦有諗過如果可以同老公裸泳都幾Sweet。」不過Ann卻笑言要成事的話首先老公要有六嚿腹肌才行,皆因他現在太幸福而有肚腩仔,所以她亦不時化身魔鬼教練,督促老公加緊操練:「成日叫佢去跑步游水都唔肯,因為佢太忙,有時間都想喺屋企休息,搞到我愈來愈瘦,佢就愈來愈肥。」

何紫綸、何佩瑜
何紫綸、何佩瑜

傷口發炎冇得落水

另外Ann又表示早前玉背因被電髮器燙傷,傷口發炎而未能下水,而且乘搭快艇回程時中途遇到水警查牌而耽誤行程,她笑言:「船長話平時得佢一個揸船水警係唔會查牌,反而見到船上有靚女先會查,希望佢唔係氹我先咁講啦!」

何紫綸
何紫綸
何紫綸(右二)、何佩瑜(右一)
何紫綸(右二)、何佩瑜(右一)
分享: