囝囝唔黐身 陳敏之訴苦:我認我現在失戀

唔少父母因為都要工作的關係,就算誕下子女,都會請工人姐姐幫手照顧小朋友。然而小朋友最需要父母的陪伴,當小朋友長時間都與工人姐姐相處的話,就會對她們產生依賴,故此對比起父母自然會更黐工人姐姐。而藝人陳敏之亦正面對這個問題,她在社交網自爆囝囝「雷冬至」唔黐身,搞到佢心情好似失戀。

敏之呻囝囝唔黐身,感覺似失戀

陳敏之今日(11號)在社交網上傳一張雷冬至手仔的照片,並留言說:「阿仔痴(黐)兩個工人多過我,我已經好努力去親力親為陪佢多啲,但都係撲去工人度,有冇在職媽媽同我一樣呢?點算好?我認我現在失戀!非誠勿擾 #失戀 #眼涙在心裏流 #有誰能明白我 #sosad #wannacry #心痛 #要冷靜下 #媽媽很愛您#您知道嗎 #雷冬至」敏之呢個在職媽媽因為工作搞到囝囝黐工人唔黐佢,她亦知道小朋友需要媽媽陪伴,所以已好盡力去陪囝囝,但囝囝仍然唔領情,搞到佢依家要上網求救!而一大班媽媽網民都分享心得,話至於冬至大個啲,分到誰是媽媽的時候就會無事,仲叫敏之放工後全由自己照顧囝囝,並製造多點只得兩母子的時間,另外亦安慰她不用這麼擔心。敏之一向咁錫囝囝,相信冬至亦會接收到媽媽對他的愛,總有一日會黐返敏之嘅!

陳敏之呻囝囝唔黐佢(Instagram圖片)
陳敏之呻囝囝唔黐佢(Instagram圖片)
分享: