【做演員真辛苦】黃宗澤烈日下成副武裝拍攝 熱到無晒表情

藝人黃宗澤(Bosco)最近忙於拍攝邵氏網劇《飛虎極戰》,雖然他早前在社交網上傳幾張扮女人的照片,但始終新劇同飛虎有關,劇中作為飛虎之一的Bosco自然都要着上全部武裝拍攝,不過近日天氣如此炎熱,要成副武裝着上身,加埋長時間拍攝,都咪話唔辛苦!

熱到鼻孔撐大

Bosco今日(10號)在社交網上傳一張同王敏奕的合照,並留言說:「我個表情已經話你知幾度!」見到相中的兩人木無表情,Bosco更是熱到連鼻孔都撐大,就算有王敏奕把風扇吹住都睇嚟冇乜用,同時見到兩人一身的裝備包到冚一冚,真係隔住個MonFeel到陣熱氣滲出嚟!不少粉絲都叫Bosco小心啲唔好中暑,仲希望幫佢降吓溫咁話。

分享: