石詠莉敷金Mask 扮MC Jin Rap住宣傳新碟

依家唔少歌手出新碟,都會透過社交平台做宣傳,為了讓人一睇難忘,自然要搞搞新意思。好似歌手石詠莉(Sukie)今日(9號)推出第三張大碟《The Hat Trick》,為了宣傳新碟,她以近期流行的「你有Freestyle嗎?」及「Hip Hop Man」做藍本,着上紅色有帽衛衣,騎呢敷個金色Mask當面罩,潮爆Look Rap住宣傳新碟!

石詠莉化身MC Shek

她在短片放上社交網,片中一開始見到她說:「我有我的Flow,我有Freestyle。」然後介紹DJ出場,未婚夫鄧健泓(Patrick)則在鏡頭外聲援,首先他Rap住話:「I say SukieYou say S」之後Sukie開始口擘擘扮Rap喇,因為出聲Rap的部份係交由Patrick負責:「聽日我會出我嘅新唱片,出到第三張一定有啲怯,但係唔使驚,嚇到面青青,因為有你嘅支持會更好聽,The Hat Trick is comingThe Hat Trick is coming,聽日買完聽完即刻出個post,希望我哋努力大家都睇到…」雖然Sukie只係咪嘴,但見她隻手不停郁吓郁吓,都幾有Rapper嘅味道㗎!

石詠莉敷金Mask挑MC Jin機(影片截圖)
石詠莉敷金Mask挑MC Jin機(影片截圖)

鄧健泓都認白痴

同時她留言說:「我承認,我地(哋)2公婆係好無聊,點解我會聽佢講咁做,為左(咗)宣傳可以去到有幾狂。」儘管Sukie看來都唔太接受到自己的行為,不過一班網民就好Buy,仲話呢個Freestyle好正!而Patrick亦留言說:「係白痴嘅」搞到Sukie都忍唔住問:「咁你又叫我做???」

鄧健泓都認佢哋白痴
鄧健泓都認佢哋白痴
分享: