100%「完美」複製17年前電影橋段 王晶想向自己作品「致敬」定技窮?

王晶監製的無綫新劇《賭城群英會》,從預告到真正播放的這段時間,都已經一直被轟炒冷飯無新意,跟他以前「賭」字系列的電影相差無幾 ,劇中仲貫徹王晶電影經常「賣肉」的「特點」,搵晒高海寧、鴨王何浩文等拋胸晒肌。不過劇集嚟到結局,角色唔係死晒就殘廢,連負責賣肉的高海寧同何浩文都死埋,冇肉可賣可以點?王晶咪繼續向自己以前的作品「致敬」囉!

《賭聖3》:張家輝扮盲(影片截圖)
《賭聖3》:張家輝扮盲(影片截圖)
《賭城群英會》:馬國明都係扮盲(影片截圖)
《賭城群英會》:馬國明都係扮盲(影片截圖)

劇情同17年前一模一樣

劇情講到吳家樂為了試探馬國明到底是真盲還是扮盲,竟然當住馬國明面前強姦佘詩曼!然而這個橋段絕非所謂新鮮的構思,早在2000年由王晶監製及編劇的電影《賭聖3之無名小子》已經出現過,莫非王晶覺得呢一幕非常經典,需要在17年後100%「複製」到新劇中?當年《賭聖3之無名小子》那一幕講到張家輝為了向黎駿報仇,就算自己對眼已經痊癒仍要扮盲,而黎駿則想試一下張家輝是否真的盲了,就闖入舒淇及張家輝的家中,並於張家輝面前強姦舒淇,而當時張家輝「聽」着電視播放的《獎門人》笑着。

《賭聖3》:黎駿強姦舒淇(影片截圖)
《賭聖3》:黎駿強姦舒淇(影片截圖)
《賭城群英會》:吳家樂強姦佘詩曼(影片截圖)
《賭城群英會》:吳家樂強姦佘詩曼(影片截圖)

連電視播緊嘅節目都係一樣

至於為何會講到是100%複製?皆因隔咗17年,《賭城群英會》都係男主角扮盲睇住女主角被姦外,就連電視播放的節目都係《獎門人》,其實有咁多節目,點解稍為改吓都懶?17年,是一個由BB出世到快要成年的時間,為何可以毫無進步?「臨時演員都係演員」,自然唔應該Hea做,更何況王晶貴為「大導演」,好心專業少少啦好冇?套劇冇誠意到咁,幾好嘅演員都救唔返啦!

《賭聖3》:播獎門人(影片截圖)
《賭聖3》:播獎門人(影片截圖)
《賭城群英會》:仲係獎門人(影片截圖)
《賭城群英會》:仲係獎門人(影片截圖)
分享: