黃宗澤「肌男」出浴 網民睇到心心眼

唔少男藝人去到咁上下年紀,都想一改形象,加上近年「小鮮肉」盛行,搞到好多男藝人都中途轉「肌」!好似現年36歲的關智斌初出道時一副奶油小生樣子,加上與張敬軒傳「斷背情」,及後被人稱作「小斌女」。然而近年他操肌做猛男,剪短頭髮兼留埋鬚,加埋一身肌肉,成功撇甩「小斌女」轉做粗獷型男!

關智斌近年都變身「肌男」(Instagram圖片)
關智斌近年都變身「肌男」(Instagram圖片)

更衣室晒肌

而同樣36歲的黃宗澤(Bosco)初出道時都並非走爆肌路線,自從他與楊崢分手後,選擇寄情健身,誓要做肌男,當時更找來前港男陳志健做私人教練操肌,成功操到一對麒麟臂同大胸肌!最近他忙住拍攝邵氏網劇《飛虎極戰》,不過一有空檔Bosco就會爭取時間操肌,仲帶埋training mask健身,可謂非常認真!今日(27號)他在社交網上傳兩張爆肌照,見到相中的Bosco赤裸上身,於更衣室內用健身帶健身,另一張更是他背住鏡頭沖涼晒背肌!兩張肌肉照睇到網民哇哇聲兼心心眼,仲大讚他成果顯著添!

黃宗澤操得一身好肌(Instagram圖片)
黃宗澤操得一身好肌(Instagram圖片)
出浴照任睇(Instagram圖片)
出浴照任睇(Instagram圖片)
分享: