孫慧雪下個月「卸貨」 直言唔想「食全餐」

藝人孫慧雪(阿雪)今年2月宣布懷孕,早前她表示預產期是8月中,雖然仲有一個月先生得,不過阿雪個肚已經大到一個極點!

唔想食全餐

昨日她於社交網再上傳巨肚照,透露自己想快點「卸貨」,但指醫生說BB太巨型的關係,可能需要開刀生B!她更坦言並不希望「食全餐」:「幾時先可以卸貨呢, 同我同期宣佈有咗BB嘅朋友都好似卸晒貨啦,最近開始持續好急好急嘅感覺!瞓醒覺時手腳都好麻痹,醫生話BB好巨型,可能要開刀,但醫生放假了,所以搵咗另一位醫生幫我持續再觀察下先!我問姑娘,如果突然陣痛生得呢?姑娘話到時會有辦法,希望唔好食全餐」不少網民見到阿雪個肚都直呼「好大」,但大讚她就算大肚,其手腳仍然纖瘦,加上沒有肚紋,都直言十分羨慕!

孫慧雪(Instagram圖片)
孫慧雪(Instagram圖片)
分享: