黃翠如蕭正楠深情對望 網民叫蕭正楠喺台慶求婚

請大家戴好太陽眼鏡,點解?因為黃翠如同男友蕭正楠(Edwin)又「放閃」喇!呢對愛得黐纏的小情侶不時都會在社交網隔空傳情,或者耍吓花槍,不時都會曬死粉絲!繼日前 Edwin在社交網留言說:「Wherever the fish are, that’s where we go. 講到翠如去到邊,自己跟到邊,如此情深的告白令不少網民睇到都覺得冧!

深情對望

嗰頭男友放完閃冇耐,就到黃翠如好有默契咁放閃喇!事關她於社交網上傳一張與男友的合照,仲留言說:「黃脆薯VS蕭佳麗」見到相中兩人情深款款咁笑住望着對方,心口同樣掛住太陽眼鏡,可謂十分相襯!雖然粉絲留言話「曬死」,但同時見到他們這樣幸福,都希望他們能夠放閃,甚至快啲拉埋天窗,仲叫Edwin效法王祖藍在台慶搞世紀求婚!

分享: