批評「狀元」惹風波 林作堅持自己睇法:我使做呢啲嘢呃Like?

中學文憑試(DSE)昨日(12號)放榜,今年誕生六位「狀元」,每個都表示將來有意做醫生,對此前大律師林作昨日在社交網留言批評他們只是「narrow-minded(思想狹隘)嘅讀書機器」,更不應該「自慰式(masturbatory)咁埋首喺自己狹窄專業世界嘅一日。」結果引起不少網民廣泛的討論,雖然有人認同他的意見,但亦有唔少人對他的看法感到質疑。

林作昨日評論一班狀元
林作昨日評論一班狀元

我十分堅持嘅呢個睇法

林作今日為昨日評論狀元的目的作解釋
林作今日回應昨日言論引起的爭議

經過一日,林作今日(13號)再於社交網留言說:「我會再一次解釋我十分堅持嘅呢個睇法。我斗膽講句,如果啲(呢)班最叻嘅人走出嚟,幕前又好,政界又好,去影響呢個社會,香港社會係好好多,我係想講香港嘅人力資源配套係錯咗。有人話我講呢啲嘢係呃like,得鬼閒咩,我使做呢啲嘢?有咩好處呀,可以令到社會引發呢個辯論嘅,呢個就係有個價值喺度囉,我唔係偽人,虛偽個偽。」

分享: