李慧詩勉勵文憑試生「搵合適的路重新出發」

中學文憑試放榜相隔一日,「牛下女車神」李慧詩(Sarah)在Facebook發文,勉勵成績理想的同學準備迎接新挑戰,又寄語成績未如理想的同學勿灰心,「搵一條合適自己嘅路重新出發」。以下是李慧詩的鼓勵說話︰

「各位中六放榜嘅同學仔,攞左成績一日,成績如何?心情如何?
成績好嘅同學記得唔好開心太耐呀!因為又有下一個挑戰等住你,要好好準備喲!
成績未如理想?都唔好灰心,哩(呢)一個考驗已經過去,總結下做得不足嘅地方,再搵一條合適自己嘅路重新出發,相信你,你,你地每個將來都可以成為傑出嘅人!繼續俾心機!」

李慧詩公開試後投身全職運動員

自小喜愛運動的李慧詩,就讀中三時獲學校推薦參加「明日之星」計劃,得香港單車聯會挑選參與運動員訓練,並在會考後轉為全職運動員。她曾向傳媒披露當年會考僅得11分,但為證明自己並非視單車為「水泡」而堅持職業生涯。

分享: