做唔成「升Cup秀惠」 楊秀惠烈日下拍劇仲輕咗

藝人楊秀惠最近與張衛健、蔡思貝、徐榮等合作拍攝新劇《大帥哥》,他們昨日更於32度高溫下在元朗拍攝一場打仗戲,搞到每人都拍到大汗疊細汗。

徐榮、楊秀惠、張達倫
徐榮、楊秀惠、張達倫

體重不升反跌

而在戲中飾演「大姨太」的楊秀惠,曾表示會為角色增肥,更笑言希望打造出玲瓏浮凸的曲線身型,成為「升Cup秀惠」,然而經過連月來於酷熱天氣下開工,秀惠也坦言增肥計劃失敗:「我本身唔係易肥嘅人,尤其開工嗰陣,我已經好努力食好多高卡路里食物,例如薯片、朱古力,但可能天氣太熱,每次開工拍外景都流好多汗,體力消耗好大,好似做咗一日運動咁,所以唔單止增肥計劃,反而磅數仲比之前輕咗。」

張衛健幫助很大

問到她在炎熱天氣下拍外景有否曾中暑?她慶幸並未試過:「好彩我廠景比較多,其他外景會喺大陸,加上我啲衫冇咁厚,見到同劇男演員大熱天要着軍服拍劇,都戥佢哋辛苦。」她亦透露已準備退熱貼、 冰袋、涼茶等等傍身,以防中暑。秀惠又指「大帥哥」張衛健不時萬歲飲品給大家消暑,並大讚對方說:「大帥哥轉數同演技真係好好,而且對後輩好關心,佢好細心幫每個演員加入有趣嘅對白同動作,務求令套劇出嚟效果更好。」

楊秀惠
楊秀惠

此外,秀惠更表示今次算是從影以來最辛苦的一套電視劇,皆因劇集要拍足六個月,所以拍攝時間較長:「同埋夏天開工特別辛苦,遲啲要返大陸取景拍攝,到時天氣比香港會更熱,絕對唔係講笑。」

講到張衛健為接拍《大帥哥》推掉不少工作而損失慘重一事,問到近年轉戰商界的秀惠會否因拍劇而有所損失?她坦言一定有損失,但可以跟張衛健合作,從對方身上學到不少東西,這個損失是值回票價!

有板有眼!
有板有眼!
分享: