滿月百日宴零慶祝 鍾嘉欣揚言囡囡生日要大搞

藝人鍾嘉欣(Linda)為代言的補身食品活動擔任剪綵嘉賓,談及愛女Kelly,她透露囡囡下月滿1歲,坦言這個階段是最好玩、最可愛及最抵錫:「佢好鍾意講嘢,係一個好堅持嘅小朋友,想食啲乜、想玩啲乜都會不顧一切。我係一個好casual嘅媽咪,不過我覺得唔可以嘅時候都會好強硬。」她透露囡囡現喜歡玩大人的東西如撳電話同電視,但只要自己叫她的名字,她就會感到害怕:「好似做錯事咁,我話no佢真係唔會做,但轉頭又唔記得。」Linda更坦言最幸福的是看到囡囡笑以及睡得好。

生日要大搞

至於問到如何慶祝Kelly1歲生日?Linda則直言想大搞:「我已經買咗好多汽球,個主題係happy face,連埋家人、朋友、新識嘅媽咪朋友同BB,大概會請7080人一齊慶祝,因為之前滿月同百日宴都冇慶祝,所以想BB一歲生日時大搞。」她亦透露囡囡因開始進食固體食物,故決定買高櫈做生日禮物。

囡囡黐爸媽

Linda又表示囡囡第一個講的字是媽媽,三日後才懂得講Dada,更笑指囡囡好黐他們:「我一離開返香港,佢就叫媽媽,老公依家忙啲,成日返診所,佢就叫Dada。」而她透露至今仍餵人奶,但到囡囡1歲後便不再餵,屆時可以讓她在爺爺嫲嫲家過夜。

鍾嘉欣
鍾嘉欣
鍾嘉欣
鍾嘉欣
鍾嘉欣囡囡Kelly
鍾嘉欣囡囡Kelly(Instagram圖片)
分享: