麥包受高血壓困擾 為了家人重視健康

藝人麥長青(麥包)日前化身廚師拍攝宣傳片《健康食堂》,呼籲香港人關注高膽固醇問題。麥包於宣傳片中需要做大廚兼與醫生們過招,問到醫學名詞可有難到他?他表示醫學名詞由醫生負責講,更大講他們表現極佳,甚至比演員厲害。

麥包扮起大廚有板有眼
麥包扮起大廚有板有眼

受高血壓困擾

麥包直言受高血壓困擾
麥包直言受高血壓困擾

而麥包坦言與一般都市人一樣受高血壓困擾,加上年紀漸長,不少毛病慢慢浮現:「我覺得自己唔太健康,全靠用意志力撐住, 尤其年輕嗰陣撞傷碰傷唔理會,慢慢變成舊患,有時都會擔心拍戲嗰陣有啲動作做唔到,腦海以為做得到嘅動作,因為年紀大機能變差,其實已經應付唔到,呢個係最危險!」麥包亦坦言自身體響起警號後,開始更著重健康:「年輕嗰陣參加婚禮多,年紀大就慢慢參加喪禮多,都擔心自己身體。」他透露為了多點與家人相聚,開始注意飲食及做運動,更要保持心境開朗,至於今次有多位醫生參與拍攝,麥包表示其中一個醫生曾為他診症,自己亦趁機請教他們健康知識。

同家人出埠

最近麥包工作排得密密麻麻,完成節目《關你家事》後,又要準備開拍新一輯節目《街市遊樂團》,不過向來愛錫家人的他坦言會抽空在暑假與家人旅行:「保持親子關係,等我老年嗰陣可以回味一番。」

麥包趁機向醫生討教
麥包趁機向醫生討教

 

分享: