何紫綸溫哥華巧遇莊端兒 童顏樣被當地人當學生

名模兼娛樂公司老闆何紫綸(Ann),前年與拍拖兩年的飲食才俊老公結婚,不過卻因自己投身商界後過分忙碌,導致今年才抽空前往溫哥華補度蜜月,她更於當地巧遇好友莊端兒(Xenia)!

Ann表示事前並不知道Xenia也在當地,笑言與對方有緣:「直到我喺社交網上載喺溫哥華嘅相,佢先話我聽佢喺當地探親,我哋仲咁啱住喺同一區,所以立刻約出嚟食飯。」Ann坦言平時大家工作忙碌,故此難得在加拿大碰面,都約好一起購物:「我哋約咗喺China Town買手信,仲畀當地人誤以為我哋係學生!」

問到老公不會介意Xenia做電燈膽?Ann笑言:「當然唔會,Xenia有出席我哋個婚禮,我老公都識佢,我哋仲喺當地三人行擦日本餐歎清酒。(你同老公咁恩愛,有冇介紹男仔畀Xenia?)唔使我介紹,佢咁靚女實有好多追求者啦!」

兩人相約見面兼行街
兩人相約見面兼行街
兩人仲被當地人誤以為是學生!
兩人仲被當地人誤以為是學生!
分享: