【Big Big Channel 】生仔都要開Live 一蚊Joe直播幫囝囝剪臍帶

無綫近期力推的全新應用程式「Big Big Channel」已經推出多日,不少藝人都趁住呢個機會開Live與粉絲互動,不過講到最有創意的都可以話係「一蚊Joe」游莨維!點解咁講?皆因他開住直播見證囝囝出世一刻!

一蚊Joe雖然自己好驚,但都安慰同樣緊張嘅太太(影片截圖)
一蚊Joe雖然自己好驚,但都安慰同樣緊張嘅太太(影片截圖)

直播剪臍帶

游莨維由未入產房前已經開始直播,仲直言:「呢一刻我好驚o架,好緊張呀!唔知點算呀!」他又表示等待的過程是最難受!直到入咗產房都繼續直播,雖然自己直言好驚,但見到老婆表現緊張的時候都安慰老婆不要緊張兼為她加油打氣,不斷講笑話:「放輕鬆放輕鬆,好快就收工!」期間醫生笑言:「(BB)個頭咁大嘅!」令到兩人哭笑不得,游莨維更對老婆講:「個大頭大,似你喎!」直到真正聽到BB的喊聲,兩公婆都顯得非常激動及感動!游莨維更隨即直播為囝囝剪臍帶,仲同囝囝自拍!

再次恭喜一蚊Joe成為爸爸,不過連生仔都有得直播,今次佢真係贏晒啦!

一蚊Joe直播幫囝囝剪臍帶 (影片截圖)
一蚊Joe直播幫囝囝剪臍帶 (影片截圖)

 

分享: