肥媽剖白家暴原因 直認自己是罪魁禍首

無綫訪談節目《關你家事》 開播前的宣傳片中曾出現肥媽(Maria Cordero)自爆以前遭過家暴而在當時成為熱話,而該集的內容終在昨日播出。

肥媽 (影片截圖)
肥媽 (影片截圖)

肥媽:原來我一早已經睇佢唔起

昨晚節目下部分以家庭暴力做主題,並請來肥媽及林雅詩做嘉賓,當主持問到肥媽身邊有沒有朋友會打配偶或小孩時,肥媽直言:「我以前老公咪係囉!又打我又打細路仔,佢打我啲細路我攔住佢吖嘛!」至於家暴的成因,肥媽也坦言是自己的過錯:「我哋做女人屋企唔夠錢就做多兩份工,攞啲菜去賣,整啲豬腸粉,乜都自己搞掂,冇錢交學費嘅自己搞掂、冇電費嘅自己搞掂。」她表示這些行為奪去了前夫作為父親的責任,自然小朋友便瞧不起前夫,前夫亦失去做丈夫的尊重:「我以前唔知,但原來我一早已經睇佢唔起,比如我做嘢成份糧畀晒佢(前夫),佢未到月尾就無晒,你難免會覺得點樣交個責任畀佢。」慢慢肥媽將所有事攬上身,而前夫久而久之覺得自己沒地位並不受小朋友尊重,故開始出手打子女,肥媽亦因為護着小孩而被打,終成惡性循環。

被前夫批霸道

肥媽透露最後六個子女堅持肥媽要離婚,更要她選擇要子女還是老公,子女還直言覺得跟爸爸沒有前途:「我最後揀咗仔女,但我離婚嘅時候,喺律師面前佢話我係一個好霸道嘅老婆。」肥媽表示希望透過自己經歷告訴大家,夫婦間若欠缺溝通會容易出現問題:「個家你有份,『家』係一個責任!」

分享: