黃偉文擺烏龍 爆填詞生涯最大的笑話

填詞人黃偉文(Wyman) 不時在社交網分享以往填詞的經歷,繼早前爆料張智霖特意找他寫歌曲《未婚妻》送給太太袁詠儀後,昨日他自爆廿幾年填詞生涯中最大的笑話。

聽聞不少人唱K唱到某個階段,總喜歡點國語歌然後用廣東話唱,貪啲音夠怪夠搞笑!然而當用廣東詞填落首國語歌,再用普通話唱出來是種什麼的玩法?這就由Wyman告訴我們吧!

唔知原來要填國語詞

話說1996年劉以達給他Demo要他填詞並表示題目自由發揮,Wyman很快就完成作品並準時交稿,到後來對方亦沒有找過自己,一切看似順利,然而直到唱片推出後試聽才發現有古怪:「聽完的反應是『點解會咁嘅?』,如果21年前有『黑人問號』就好嘞! 原來劉以達唔記得咗同我講:首歌係唱國語嘅!咁大佬呀我當時係完全無填過國語詞嘅100%廣東詞人嚟家嘛(其實同年有寫王菲『掃興』不過當時未出街佢應該唔知),咁你突然落個國語歌order使唔使專登down聲先?我如果一早知係國語就唔會咁填啦…..

豹嫂現身回應

至於那首成為他填詞生涯最大的笑話的歌曲正是胡蓓蔚(豹嫂)《我的天》,他更笑言:「所以大家如果覺得呢首『國語歌』聽起嚟怪怪地,唔緊要,試吓跟返份歌詞用廣東話唱一次,係全首都唱到晒無問題嘅!」很多網民都坦言從未察覺這首國語歌有「異樣」,更笑言下次作品展要邀請豹嫂演唱一次「廣東話」版,而豹嫂亦有留言表示:「如果你唔提我都唔知原來背後有哩個咁得意嘅故事,So funny。對於一個20年前唔識廣東話嘅我嚟講,唱起上嚟又唔覺得特別繞口,再加上達哥呢個咁前衛另類嘅音樂人做監制,一切似乎又理所當然。」豹嫂更大讚證明Wyman的詞就算怎樣唱都會很順暢,並坦言希望有機會唱廣東話版!

豹嫂現身回應
豹嫂現身回應

[embedyt] https://www.youtube.com/watch?v=2kLd2fYhdCI[/embedyt]

全文
全文
分享: