陳志雲王喜廿五載風雨同路

曾呼風喚雨的無綫前總經理陳志雲,2010年因涉貪案而一鋪打沉,昔日愛將一一劃清界線,就只有相交25年的王喜不離不棄,一直為志雲擋風擋雨。今年3月,志雲終極勝訴,纏擾7年官司終告一段落。

兩位知心友8日接受《蘋果》專訪,志雲坦言當日有諗過要坐監:「我做人鍾意做到最壞打算。」問到二人會關係會否由友情變成愛情時,王喜笑指愛情轉淡後才變做友情,志雲笑說:「咁你話有冇變到呢。」

陳志雲涉貪案後王喜一直為其擋風擋雨﹝網絡圖片﹞
陳志雲涉貪案後王喜一直為其擋風擋雨﹝網絡圖片﹞

被問有王喜這個朋友是否無憾?志雲說:「有呢個朋友梗係高興、感恩。」

志雲曾表示支持他的人都是天使,那麼在王喜心目中,志雲又是甚麼?王喜說:「佢係我嘅菩薩,好多人嘅菩薩。」王喜大爆無綫當日要裁員二百人,志雲於是約見這二百人,王喜說:「佢幫人搵埋工,被人炒嗰個咪『順』啲囉,起碼唔會對佢懷恨在心,呢個(炒人)唔係佢決定,係公司決定。」

這對相交25年的好朋友將於下月22日至27日在新光戲院首度合作演出舞台劇《雷雨對日出》。

分享: