刑警兄弟黃宗澤金剛爲正義開戰

黃宗澤與金剛反目成愁﹝網絡圖片﹞
黃宗澤與金剛反目成愁﹝網絡圖片﹞

型仔黃宗澤(Bosco)又要孖住「巴打」出動喇!不過今次唔係警犬「巴打」,而係「哎吔巴打」金剛。Bosco同金剛分別喺《刑警兄弟》中飾演一對異姓兄弟,一個係好man嘅爛仔差人陳見飛,成日橫衝直撞,有破壞冇建設;另一個係做事井井有條,但唔願冒險查案嘅驚青戇警Johnny。兩人同屬一警局,在公被上司編排成一組互相監視,在私又因彼此父母結婚要住喺同一屋簷下,爲爭寵爭功爭廁所,一家人爆出連場衝突同笑話。

方皓玟怒餵黃宗澤大餐﹝網絡圖片﹞
方皓玟怒餵黃宗澤大餐﹝網絡圖片﹞

徐子珊同方皓玟兩位女主角分別飾演嘅日系小公主同黑幫千金亦相當抵死!一個打扮kawaii,但個樣好ugly;另一個刁蠻任性,愛得轟烈。

兩個來自單親家庭嘅阿Sir陳見飛(黃宗澤 飾)同Johnny(金剛 飾)性格迥異,一個爛仔咁款,一個單純裙腳,成日火星撞地球。偏偏彼此嘅父母相戀,鬥氣冤家頓成哎吔巴打,仲住喺同一屋簷下,爆出大堆笑話。義氣仔阿飛懷疑前度Bessie(方皓玟 飾)嘅老闆害死好兄弟,於是著佢暗中查探,卻隨即引來追殺,更牽連家人;戇直嘅Johnny亦睇唔過眼,為咗蒐集罪證換取情報,不惜同醜樣但嗅覺極靈嘅毒品調查科小公主(徐子珊 飾)談情說愛。惡勢力當前,異姓兄弟終於放低成見,拍住上爲正義展開驚天一戰!

黃宗澤床上被綁架﹝網絡圖片﹞
黃宗澤床上被綁架﹝網絡圖片﹞
方皓玟用刀威脅黃宗澤﹝網絡圖片﹞
方皓玟用刀威脅黃宗澤﹝網絡圖片﹞
徐子珊伸手示好 ﹝網絡圖片﹞
徐子珊伸手示好 ﹝網絡圖片﹞
方皓玟用刀吃雞腿﹝網絡圖片﹞
方皓玟用刀吃雞腿﹝網絡圖片﹞
分享: