鄧達智切除前列腺腫瘤 擔心失禁影響性功能

著名時裝設計師、現年60歲的鄧達智(William),去年6月與醫生男友陳梓欣(Clement)在英國註冊結婚。近日有報道指他婚後發現泌尿系統指數不正常,入院檢查後確診為前列腺癌二期,腫瘤有1cm大。William日前完成由機械人電鋸臂進行的微創切割手術,目前已出院在家休養。

手術後忍到尿 「醫生話我好勁」

William接受媒體訪問時,對於有關手術有可能導致失禁及影響性功能,他坦言感到擔心,他說:「我發覺醫生幫我拔走尿喉,隨後我喺醫院上上落落散步,唔覺得有失禁迹象,醫生都驗過我冇,又忍到尿,所以醫生話我好勁,恢復返咁快。返到屋企,又去銀行整嘢,又約朋友飲茶,行嚟行去,唔需要擔心失禁,呢幾日落嚟好好,我呢幾日飲多啲水,我都覺得好神奇。」

提到性功能的問題,他覺得自己目前反應得好快,「比預期想像好,希望繼續好落去,雖然我唔係20、30同40歲,呢樣嘢唔係最重要,始終都係覺得有好過冇,但係竟然神奇,做完手術兩日已番咗嚟。」

鄧達智與老公陳梓欣交代目前身體狀況。(網上圖片)
鄧達智與陳梓欣不時在社交平台放閃。(圖片取自FB)
分享: