蓋世寶姐姐離開無綫:擦鞋呢場戲我做唔到

蓋世寶在無綫擔任兒童節目主持18年,將於約滿後離開。(網上圖片)

在無綫有18年主持兒童節目經驗、現年40歲的蓋世寶(Lulu),自從2014年無綫兒童節目大改革後,星途一直不甚理想,此前她在《BB來了》和《大帥哥》中更淪為只有一兩句對白的茄喱啡。二月底約滿的蓋世寶近日向媒體透露,電視台日前與她傾續約,竟以「唔夠騷」為由要減她三分一人工,預料將減至7000元月薪。Lulu決定不再續約,離開効力23年的無綫。Lulu坦言自己不擅長擦鞋,「呢場戲原來我係做唔到」。

主持兒童節目18年 淪茄喱啡減薪至7000

蓋世寶1995年藝員訓練班畢業,同屆同學有湯盈盈、姚瑩瑩、滕麗名及李天翔等,因為一副童顏被安排加入兒童組主持《閃電傳真機》,以及其後的《至Net小人類》和《放學ICU》,其間曾主唱不少經典兒歌如《生命有價》、《魔法小美穗》等。直至2014年兒童組解散,當時她的年資僅次於譚玉瑛,Lulu2015年更獲頒服務20年金牌

 Lulu透露上月電視台致電她傾續約事宜,因為她做唔夠騷,被TVB減人工,「我係減人工,減1/3呀!冇萬三咁多,當佢一萬頭,唔係話佢哋對我差,我明公司有公司制度,我唔敢講話佢對我差」

向監製自薦無回音 「運氣無得借」

提到舊拍檔譚玉瑛成功轉型,與鼎爺主持《阿爺廚房》找到新出路,Lulu表示:「運氣無得借嘅,我衷心希望身邊每一個人都會好好。」

Lulu轉到戲劇組後,曾在同事陪同下入監製房打招呼自薦,可惜無乜反應,與世無爭的她表示:「其實我兜口兜面見住人哋點樣擦鞋嘅,我係好欣賞,亦有記住嗰啲說話,袋咗入腦,但當我埋牙嘅時候,呢場戲原來我係做唔到!其實係一場戲嚟!我會用另一個態度,可能同一番對白,但係我嘅態度一定唔係嗰款!」

「好多年前 啲人已經以為我無做」

 

她坦言現時經濟有困難,「金錢方面,由兒童組跳出嚟之後,其實一直都有問題。坦白講演員人工真係唔高,其實最理想梗係靠外邊嘅工作,但你唔喺電視上出現,曝光率低咗,人哋諗唔起你,自然工作量亦會低。其實好多年前開始,啲人已經以為我無做。」不過即將失業的她並不為將來擔心:「我覺得香港人,香港唔會餓死人,只要你肯做,所以我從來都冇擔心過。」

Lulu在主持兒童節目期間,亦有主唱不少兒歌,陪伴很多小朋友成長。(網上圖片)
蓋世寶與譚玉瑛。(網上圖片)
Lulu在《BB來了》淪為茄喱啡。(網上圖片)
Lulu轉到戲劇組後發展不太順利。(網上圖片)
Lulu轉到戲劇組後發展不太順利。(網上圖片)
「蓋世寶」三字甚至成為了網絡潮語的一部分。(網上圖片)
分享: