曾等潘源良回頭 李麗珍走出情傷:我唔想死

53歲的李麗珍與「浪子詞人」潘源良2016年分開,二人在一起十年曾三度復合又分開,潘源良去年與同為音樂人的太太Rita在加拿大結婚,曾大受打擊的李麗珍近日接受媒體訪問,剖白這兩年間如何從情傷中走出來,歷經好友羅明珠及藍潔瑛的離世,令她醒覺「再唔走出嚟就係等死,或者下一個係我死,我唔想死」。

李麗珍曾以為和潘源良可以長相廝守,2016年某天,對方一句「我要走!」,就令這段長達10年、三度復合的關係從此斷絕,當時的她仍寄望能第四度復合,「因為都係最長嘅一段,我都感覺到佢係對我好好,而且有咁多歌詞喺身邊附和住,諗住呢個係好難分開。直到有一日真係分開,我就戇居居喺度等,以為佢會返轉頭,可以再喺番埋一齊,或者大家可以有啲咩嘢改變,但最後原來佢都係唔要我,都係好似我做錯嘢一樣,我係好失望。」

食情緒藥兩年 「最後原來佢都係唔要我」


此前每次講起這段情傷,李麗珍都會爆喊,她自曝食了兩年情緒藥,直至對方找到幸福快樂,她開始沒再食藥,覺得就算再食都無用。「我以後都唔要喊,要笑。我覺得今次經歷係令我變好,我希望係咁樣。只要自己走番出嚟,就會有好多朋友等緊我。」

談到自己如何從情緒低谷中振作起來,李麗珍指好朋友羅明珠的離世,令她覺得生命原來好化學,「再咁樣食藥、情緒低落,會唔會下一個就輪到我離開」。加上藍潔瑛去年突然離世,令李麗珍忽然醒覺「好難擔保下一個唔係我!」,「我唔想咁樣,希望將來都好好。再唔走出嚟就係等死,或者下一個係我死,我唔想死,唔想令粉絲、家人、朋友失望,我要企返起身。」

羅明珠藍潔瑛相繼離世 「難保下個唔係我」

李麗珍多年來屢受情傷,1996年與林憶蓮的前男友許願結婚,4年後離婚獨力撫養女兒;2004年曾被指與髮型師馬桂燦夫婦同居玩3P及開迷幻派對,據指事件更被雙方的小朋友目擊。李麗珍在訪問中表示自己至今仍然相信真愛,「每一次我都係俾人飛,你咪睇我好似好惡死,或者又同男朋友分手嘅新聞,其實好多時係對方提出,我都唔想,我都渴望有一段好長,好安定嘅感情生活。」

李麗珍接受媒體訪問,剖白自己這兩年間如何走出情傷。(圖片取自IG)
李麗珍近照。(圖片取自IG)
李麗珍近照。(圖片取自IG)
李麗珍在電影中的性感形象令不少觀眾印象深刻。(網上圖片)
李麗珍與潘源良在一起10年多次離合,始終要分開。(網上圖片)
潘源良去年與Rita在加拿大結婚。(網上圖片)
分享: