新歌延續《無賴》故事 鄭中基唱出廢中心聲

將於農曆新年開騷的鄭中基(Ronald),其經典作品《無賴》大受歡呼,最近他將推出無賴2.0!Ronald與鄧建明(Joey Tang)、Kevin Boy及梁栢堅今日以樂隊「嚿飯咁」名義,去商台宣傳新歌《廢中》,Ronald表示其實這首歌在兩年前紅館演唱會時已經亮相,雖然當時首歌只得3個字,但見到觀眾咁好反應,就決定正經推出這首新歌《廢中》,梁栢堅指呢首歌係《無賴》2.0,在歌詞中會搵到「無賴」在咁多年後變成點,Ronald話:「校長年年25歲,廢青等佢唱,我哋唱廢中,遲啲唱埋廢老。」

演唱會加開一場 12日公開賣飛

講到隊名,Ronald指當年見到個節目叫《范後感》,睇到兩個主持呆呆哋成嚿飯咁,Ronald話:「當時諗到呢個名,不過都係冇同人講,留畀自己用,因為我喺台上都唔係好郁。」演唱會決定再加開年初五一場,今個月12日公開賣飛,同樣開售第一日不設排隊買飛。

鄭中基與鄧建明、Kevin Boy及梁栢堅以樂隊「嚿飯咁」名義,去商台宣傳新歌《廢中》。(圖片取自IG)
Ronald的演唱會加開一場。(網上圖片)
分享: