阿嬌自曝曾因雪卵致荷爾蒙失調 暴肥20磅

天后容祖兒日前接受訪問時提到自己已經雪卵,以備將來可以生育孩子,引起大眾熱議。鍾欣潼(阿嬌)今日到電台宣傳新歌《聽說的幸福》時,被問到有關話題,她直言經理人Mani曾提議她們一齊做,她說:「我雪嘅卵唔多,得3粒,醫生有叫我做多次,但唔考慮啦,因之前雪卵搞到荷爾蒙失調,肥咗20磅減唔番,過程比健身仲辛苦。」

「我雪嘅卵唔多,得3粒」

講到近排為婚禮積極減肥,阿嬌坦言本身不喜歡健身,不過老公鍾意:「佢仲嫌我屋企樓下設備唔夠,所以就一齊去做。」經過一段時間的努力,阿嬌話目前已有些成績:「因為我易水腫,想練結實啲,之前有件婚紗太細我唔想試,但而家居然着得落兼要改窄。」會不會做gym做上癮?她笑言:「係堅持,教練當然想我婚後繼續堅持,但結完再算,我覺得健身都OK嘅。」

相關新聞:38歲容祖兒雪卵備用:性向非黑白分明

提到新歌《聽說的幸福》,阿嬌說這首歌是送給老公賴弘國的禮物,係入行後最感動的一首歌:「這首歌一聽就好有感覺,每次聽完都眼濕濕。」阿嬌話原本想將首歌留待婚禮上播當驚喜,可惜自己守不到秘密,忍不住已經同對方分享。

阿嬌自曝曾因雪卵導致暴肥20磅。(網上圖片)
阿嬌近來積極健身減肥。(圖片取自IG)
分享: