大讚栢芝教子有方 謝賢:未見過王菲

82歲的謝賢(四哥)近日接受媒體專訪, 笑談縱橫影視圈六十多年的點滴,更大談感情史,今年與前女友CoCo分手的他自認專一,更發誓一生至今只得五個女朋友。提到與謝霆鋒兩父子都曾經歷婚姻失敗,四哥不禁嘆氣。他大讚前新抱張栢芝孝順,將兩個孫仔教得好好,又坦言從來未見過與霆鋒復合的王菲,「呢樣唔好問我」。

發誓一生只有5個女友

謝賢與前女友CoCo今年分手。(網上圖片)

16歲入行的謝賢,因高大靚仔專拍愛情片,被封為風流小生。細數情史,四哥有些記憶已變得模糊,他首位女友是嘉玲,相處12年女方卻突然嫁給一個泰國人;其後的是首任妻子甄珍,當年甄珍愛上劉家昌,跟四哥結束年婚姻;第三個女友是蕭芳芳,但女方太乖,大家並不適合對方;其後的是第二任妻子狄波拉,四哥讚拉姑好識做家務同照顧男人,是一個好老婆。被問到最愛是誰?四哥說:「五個都愛,分開咗依然係朋友」。

不干涉霆鋒是否再婚

謝賢與謝霆鋒父子都曾經歷離婚。(網上圖片)

四哥跟拉姑簽紙離婚時相擁道別,兩人再見亦是朋友。但當年霆鋒和前妻張栢芝鬧離婚,栢芝卻公開數臭霆鋒,而霆鋒亦發聲明指跟栢芝「不知如何走下去」。謝賢直言兩父子很相似,就算婚姻失敗都不會傷害對方,分開了仍會關心、幫助對方。他又指不會干涉霆鋒是否再婚「如果佢有鍾意嘅人咪一齊,唔鍾意咪拜拜,呢個唔啱咪換第二個。」

提到謝霆鋒王菲世紀復合,四哥說:「呢樣唔好問我,我恭喜佢就得嘞,哈哈哈!」問到霆鋒有冇帶阿菲見你?四哥說:「真係未見過,從來未見過,因為佢嘅私事,都唔想經過老竇」表明父子之間是平等,不會干涉兒子的自由。

與兩孫仔定期相聚

謝賢與兩個孫仔。(網上圖片)

談到栢芝,四哥讚口不絕,「個新抱都好,好孝順,嗰陣佢哋未分開,我哋成日一齊食飯,總之栢芝係我一個好錫嘅人,佢對兩個細路仔幾好,好難㗎,佢教得好好,有時我睇到佢,我都有啲眼淚。」傳聞栢芝少讓兩老見孫仔,四哥代平反,指他每隔一兩個星期就會到霆鋒家與兩個孫仔LucasQuintus見面。四哥笑容滿面說:「孫梗係錫,證明我嘅家可以一路傳落去。」

 

分享: