【張衛健回巢】《大帥哥》由重頭劇變倉底貨! 傳有2大原因……

圖︰張衞健離巢20年由拍TVB劇集,但就遲遲未播出,究竟原因為何?(TVB截圖)

張衞健(Dicky)離巢20年後重回無綫拍劇,為2018年台慶劇重頭製作《大帥哥》擔任男主角。不過TVB日前公佈嘅台慶劇名單,只有《跳躍生命線》、《是咁的,法官閣下》同《兄弟》,完全冇提到《大帥哥》!重頭劇變倉底貨、播映無期,傳聞有兩大原因!

女主角蔡思貝形象差、唔聽話?

《大帥哥》嘅女主角係蔡思貝,有傳聞指,今次劇集做唔成重頭劇,有傳係因為蔡思貝緋聞多多、形象差,仲唔聽公司話;搞到TVB決定抽劇集唔播,以示懲戒。

不過呢個傳聞都冇咩事實根據,而且Dicky都話,《大帥哥》原本會喺2018年暑假播;佢自己都有預留時間返港做宣傳,似乎又唔會因為咁而影響埋其他主要演員吧!

內地批文未出 中港未能同步播?

另一個原因,係同批文問題有關。有蝕《大帥哥》一直未獲得內地播映嘅批文,搞到唔可以中港兩地同步播,TVB就索性連香港都唔播住,等批文處理好先推出劇集。

其實現正在TVB播出嘅劇集《再創世紀》,都係因為批文問題而再三延遲播映時間。《大帥哥》一劇嘅時代背景設於民國初年、軍閥割據之時,講「誰大、誰惡、誰正確」,真係唔知會否影響攞批文呢?

分享: