【將與家人遊日本】袁偉豪首次孖女友6人行 張寶兒︰唔擔心會嗌交

圖︰袁偉豪過幾日會同媽咪及女友張寶兒等一行6人齊齊遊日本!(ig圖片)

日前(10月1日)因急性腸胃炎入院嘅袁偉豪,昨日(4日)到澳門出席活動。佢接受媒體訪問時表示,身體狀況已經好轉;過幾日佢仲會同媽咪同女友張寶兒齊齊遊日本,亦係張寶兒第一次同家人去旅行!

無啦啦一行6人去旅行,仲有女友同行,唔通要求婚?袁偉豪直言,今次未有呢個計劃,叫大家唔好誤會,驚屋企人會當真呀!

張寶兒︰有共識要專注工作同照顧家人

袁偉豪話,今次去旅行希望放鬆心情、好好休息,仲話已準備好「彈藥」,希望大家玩得開心:「呢個都係我同媽咪嘅一個心願,之前一直拍劇,都冇時間陪佢。」

下星期(10日)係張寶兒27歲生日,佢哋會喺日本過生日!張寶兒於電視城出席活動時就話,佢都係第一次陪男友家人去旅行,但唔擔心會嗌交,因大家嘅性格都好平易近人;仲話同男友共識要專注工作同照顧家人,所以今次應該唔會求婚喇!

分享: