【似足飄零燕!】姚子羚瑞士餵羊咩 孖胡定欣玩雪

圖︰姚子羚同胡定欣,最近齊齊飛到瑞士拍旅遊節目。(ig截圖)

姚子羚(Elaine)、胡定欣、曹永廉同蕭正楠,最近齊齊飛到瑞士拍旅遊節目!Elaine於ig連續發相、發片,分享佢同羊咩咩玩嘅情形,真係似足《飄零燕》咁;佢又同胡定欣於雪中自拍,仲拍片祝陳山聰生日快樂。見佢哋咁開心,相信都可以寓工作於娛樂喇!

見到落雪超興奮

本身好動物嘅Elaine,分享咗佢畀羊群包圍嘅相,留言︰「羊咩咩⋯⋯黑面羊佢哋都冇黑面仲好Q呀!佢哋會自己走過嚟㗎!任摸唔嬲~條頸仲掛住個啷啷~一路行一路響,去到邊都知啦!」而佢同定欣嘅片,就留言︰「落雪啦~let it snow」佢哋兩個見到落雪都非常興奮,就算啲雪打落塊面、入埋眼,都好開心呀!

今日(2日)係陳山聰生日,Elaine同定欣都有拍片同山聰講生日快樂,仲送咗個「雄風」,呀唔係,係「馬特洪峰」畀山聰,好笑得嚟都好有心思!

圖︰Elaine話,佢地要食刨冰呀!(ig圖片)
圖︰Elaine同羊咩咩合照,感覺好似《飄零燕》。(ig圖片)
圖︰佢哋仲拍片同陳山聰慶祝生日,送咗個「馬特洪峰」畀佢。(ig截圖)
分享: