【娛圈世紀大和解】一張相破冰! 除咗袁詠儀、張新悅仲有佢哋……

圖︰名人鬧不和實屬常見,其實只要一張相、一個擁抱,往往就可以冰釋前嫌。(網上截圖)

名人鬧不和實屬常見,而時間或者就係最好嘅「調和劑」;時侯到了,大家影張相咪好返囉!好似近日於網上流傳嘅一張「世紀合照」,主角張新悅同袁詠儀出席薛芷倫嘅生日派對,仲一齊同壽星女影相,薛芷倫分享相片時,就留言話係「世紀合照、世紀大和解」!

話說張新悅同袁詠儀1997年一齊拍攝電影《戇星先生》,袁詠儀覺得後面有人不停咁推佢,就發火鬧咗一句︰「你哋唔好推我喇!」,佢又不滿當年嘅新人於片場唔夠認真;此後20年,張新悅同袁詠儀就冇再見面喇。張新悅日前受訪回應「世紀合照」時就話,「唔知咩一回事」,只係挑剔張相「好多p圖」,搞到佢「好似膠面咁」,但起碼冇再明示或暗示袁詠儀啲咩。

其實除咗張新悅同袁詠儀,仲有好多名人都曾經鬧過不和,最後一張相、一個握手、一個擁抱,就和好返喇;即刻睇吓以下相片同事件啦!

【世紀大和解圖輯】

圖︰張新悅同袁詠儀出席薛芷倫嘅生日派對,仲一齊同壽星女影相;薛芷倫分享相片時,就留言話係「世紀合照、世紀大和解」。(ig圖片)
圖︰靚靚與宣萱、劉曉彤份熟好友,但至99年,突然傳出靚靚同另外兩個人反目;據報道,靚靚因與宣萱感情較好而令劉曉彤眼紅,劉曉彤於是向靚靚聲稱宣萱拍攝《天地男兒》時,經常向張智霖放電,搞到靚靚同宣萱割席絕交。最後隨時日流逝,靚靚同宣萱先做返好朋友咋!(微博截圖)
圖︰至於事件另一主角劉曉彤,今年9月5日就齊齊現身鄭裕玲嘅慶生聚會;似乎大家都和好如初喇!(ig圖片)
圖︰另一經典係楊千嬅同黃偉文,有傳佢哋喺05年,因為一次爭拗而決裂;有指係千嬅覺得Wyman冇寫好詞畀佢,二人再冇合作。至12年,千嬅大住肚現身《黃偉文作品展》,唱完歌,Wyman推住紫色BB車同衣束現身,二人更在台上相擁,和好如初。(網上截圖)
圖︰周杰倫同羅志祥曾friend到以兄弟相稱,有傳二人為蔡依林而反目;關係「冰封」十多年;至2016年,二人首度同台互動,二人在台上有講有笑,周杰倫仲問羅志祥︰「你什麼時候當爸?」仲喺人前握手「破冰」!(微博圖片)
圖︰唔至香港,Taylor Swift曾因為Katy Perry搶走佢巡迴演唱會嘅3名舞者而反目,二人單單打打6年;至今年5月,Katy Perry向Taylor Swift送上手寫信同象徵和平嘅橄欖枝,二人終於冰釋前嫌。(ig圖片)
分享: