【多功能老婆】終於煞科! 楊千嬅新劇令人諗起《新紮師妹》?

圖︰《多功能老婆》由楊千嬅主演,睇返呢個組合,即刻諗起《新紮師妹》嘅方中Sir、方麗娟同劍雄呀!(ig、影片截圖)

楊千嬅闊別公仔箱17年,終於有新劇煞科喇!TVB劇集《多功能老婆》,有楊千嬅同周柏豪主演,同時,千嬅係會同黃浩然飾演兩公婆,黃浩然於劇中嘅角色都係叫「劍雄」;加埋許紹雄做千嬅阿爸,真係成個《新紮師妹》Reunion咁!除咗呢個令人懷念嘅組合,劇中亦有唔少亮點可留意!

朱晨麗、陳庭欣性感登場

於劇集預告片中,見到朱晨麗同陳庭欣性感登場!佢哋兩個有着泳衣騷身材,而陳庭欣更有一幕着住吊帶裙,同周柏豪演「床戲」。

至於千嬅,都有唔少好搏嘅演出,包括︰同黃浩然嘅床戲,同埋畀周柏豪偷吻。柏豪昨晚(26日)出席煞科時話:「呢個吻係唔小心之下發生,要演唔小心錫到很好難拍,要拍好多次。」柏豪仲笑言:「我拍呢場戲都幾開心㗎!」

分享: