【潮文當真?】霆鋒重提17歲拍戲受傷 「最後一針,畀我自己縫!」

圖︰睇主持火火(圖右上)笑得咁開心,唔知佢係咪都有睇過嗰篇潮文呢?(ig圖片)

謝霆鋒於節目《鋒味》重提自己17歲拍《新古惑仔之少年激鬪篇》時受傷一事,仲話去到醫院縫針時,要求醫生畀佢縫最後一針!唔少網民睇完之後議論紛紛,因為似曾相識嘅對白,同一篇「潮文」內容十分相似;究竟係霆鋒當年冇同記者講呢個經歷,定係…… 做節目諗住搞吓笑咁呢?

同樣係17歲少年 同樣係講去醫院 

霆鋒喺節目入面,一邊整麵團、一邊講︰「嗰陣時我同劉偉強導演傾傾下偈,突然發現我對白飯魚都係紅色,一倒出嚟,係半隻鞋可以倒血。原來係腳眼(爆)開咗。」

當時劉偉強叫佢快啲睇醫生,但霆鋒話:「年少氣盛嘅我,再加上有啲責任感,就話『冇事,我會繼續拍!』跟住我哋兩個繼續嗌交,我話『冇事!繼續拍!幫我洗傷口!』幫我洗傷口嗰個工作人員,喺地下執咗隻拖鞋,俾我咬住佢。我想話唔好,導演兜頭一巴打埋嚟:『咬住佢!』洗完傷口,其實已經見到白色嘅骨,佢咃幫我用大力膠布喺大髀紮住,紮到佢唔流血。」

霆鋒話,場戲拍咗5個鐘,去到醫院醫生話:「我哋同你縫(針),唔代表你身體入面係冇破傷風菌。如果有嘅話,我哋係要幫你切咗隻腳,或者會有人命危險。」縫到最後一針,霆鋒話自己當時同醫生講:「我乜都試過,就係縫針未試過,不如你畀我自己縫啦!」霆鋒繼續話︰「醫生望住我,唉,真係覺得我冇得救。」

生銹鐵枝割傷腳眼 當年冇提自己縫針

當年霆鋒在意外後受訪,只係話事發當晚喺某地盤拍戲,不慎畀生銹鐵枝割傷腳眼,血流如注;但霆鋒堅持繼續拍戲,受傷後6小時先去醫院,最後要縫4針同食藥。

霆鋒當時話:「嗰場戲講劈友,要響地盤爬上某個窗口,中途唔小心俾啲生銹鐵枝整親,但當時冇理到,拍多幾個鏡頭先揭開條褲睇,流好多血,但因同場有百幾人一齊開工,諗住冇理由要咁多人因我一個停晒,咪忍到拍晒先睇醫生。」

潮文內容:

「他知道,哭是沒有用的。」

謝霆鋒為父還債,所以17歲出道,開始了自己的演藝生涯。霆鋒拍第一部片子《古惑仔》系列電影時,他和300多人打打殺殺,因為太過入戲,他不小心踢到了廢鋼鐵,腳立即受傷,血如泉湧。

導演立刻喊停,要送他去醫院。他知道,這一去醫院,勢必要換人,那他的「星途」也許從此就斷了。於是,17歲的他對導演說:「找來300多人不容易,耽誤一天就是好多錢,我能堅持。」於是,他將酒精直接倒在傷口上,再將膠袋包著腳,穿上鞋子繼續拍攝。換了四個膠袋,倒出四袋血,戲拍完時,他幾乎暈倒。

送到醫院,醫生說,再遲來一點,人就玩完了,而且,極有可能得到破傷風。在給他縫針之前,醫生讓他簽生死狀。 在醫生給他縫針時,謝霆鋒就那麼看著,不喊、不叫、不哭,沒有打麻醉針,就那樣一針一針地縫著。一個17歲的少年,知道自己面對的是怎樣的人生。他知道,哭是沒有用的。

最後一針,霆鋒對醫生說:「我來縫!」醫生看著他,他居然笑了︰「沒有嘗試過的人生,我都想嘗試一下。」

這句話多麼豪邁,在場的人震驚了。因為醫生說,如果熬不過去,他也只有四天的生命了,所以,他願意嘗試生命中不曾嘗試的痛,他要給自己縫一針。

從給自己縫針那一天開始,他知道,所有的明天全要靠自己。後來,他一直努力,不停地得獎,終於成為第三十屆香港金像獎的影帝。

分享: