【刑偵2】蘇玉華突然被車死 因鄭秀文加入被減戲?

蘇玉華《刑事偵緝檔案2》「突然被車死」引網民討論。(網絡圖片)

《刑事偵緝檔案2》日前深宵重播至「檔案十:花殺」,亦即第31至33集,女主角之一嘅容金枝(蘇玉華飾)突然被車撞死,令唔少劇迷觀眾認為呢個安排「好突兀」。 第31集講到周詠欣(張沅薇飾)怕容金枝認出王志滔,而要開車撞死容金枝滅口,而31集開始,更有新角色葉子晴(鄭秀文飾)嘅登場。對於蘇玉華「突然被安排死亡」,坊間傳指因「檔案十」加入了Sammi鄭秀文,於是要減少其他女角嘅戲份。不過,網民對於鄭秀文「接替」蘇玉華一事仍然不甚受落。

蘇玉華《刑事偵緝檔案2》劇照。(網絡圖片)
鄭秀文《刑事偵緝檔案2》劇照。(網絡圖片)

「死因」係蘇玉華未有檔期

而當時《刑偵2》監製則話,「蘇玉華突然被車死」其實係原定只得30集嘅《刑偵2》,因為收視高企嘅關係加長至最後合共40集,而蘇玉華嘅行程表是需要喺拍畢30集嘅《刑偵2》後,緊接著拍攝其擔正女一嘅新劇《殭屍福星》。故蘇玉華未有檔期拍攝加長至40集嘅《刑偵2》,最後只能以死離場。

分享: