中韓戀斬纜 宋承憲新劇有望孖Krystal父女戀

宋承憲或將與Krystal玩父女戀﹝網絡圖片﹞

41歲嘅韓國型男宋承憲今年1月宣佈同內地女星劉亦菲分手,情斷後寄情工作嘅宋承憲13日傳將接演新劇《局》,並有望同女團f(x)嘅23歲成員Krystal合作。

據報道,《局》將講述各自身懷絕技嘅四名主人公組成團隊,合力揭發腐敗財團嘅故事。鄭秀晶受邀飾演四人團隊中負責駕駛嘅司機,宋承憲則受邀飾演因為被剝奪實現夢想嘅機會而走上犯罪道路嘅詐騙犯。目前,鄭秀晶與宋承憲都接到劇本,不過是否拍攝該劇仍在商議中,而二人年紀相差18年,劇中若有感情線,就似父女戀。

宋承憲被傳移情《Black》女主高雅拉﹝網絡圖片﹞

拍劇頻傳緋聞

宋承憲曾因拍劇曾與崔智友、宋慧喬、成宥利、孫藝珍、李沇熹等女藝人傳出緋聞,卻冇一個能開花結果。佢與劉亦菲分手也曾被外界猜測與高雅拉拍攝韓劇《Black》時「對上眼」。

分享: