與街頭品牌合作兼參與設計 Heidi@SG想推出自家品牌

李靜儀@Super Girls

組合Super Girls(SG)成員李靜儀(Heidi)從小已對時裝有濃厚興趣,這兩年間到訪過世界不同地方欣賞時裝騷,豐富她對時裝文化的認識,最近她獲邀與著名街頭品牌專門店合作,展開「Be True to Yourself」時尚企劃,推出代表Heidi的限量紀念服飾。

日前Heidi為企劃拍攝造型照,照片以街頭文化為主題,透過街頭衣着展示真正的她,見她着上加大碼衛衣大騷美腿,青春型格之餘,不失性感,她直言平時私下也熱愛街頭衣着,今次的服裝造型亦參照她的意見:「今次嘅服裝都有同設計師開過好多次會,好多都係我需要嘅產品,我亦有參與設計,畀咗唔少意見。」

今次服裝Heidi有份參與設計

忠於自己

提到今次主題為自身出發做自己,對此Heidi表示非常認同,故與品牌一拍即合:「我覺得真正嘅自己係要忠於自己,做自己鍾意做嘅事,唔需要因為人哋眼光而害怕將自己最真實嘅一面展露出嚟,自己開心最緊要。」

Heidi認為真正嘅自己係要忠於自己

對時裝充滿興趣

另外,Heidi直言非常幸運可以透過欣賞各式各樣的時裝騷,了解各地的時裝文化,更認為大品牌與街頭品牌合作能將一些極端的Style擦出新火花,對熱愛時裝的朋友是一件很剌激的事。問到她有否計劃推出屬於自己的品牌?她表示:「我一直對時裝好有興趣,讀書嗰陣更讀時裝設計,所以好渴望可以有機會去參與關於設計方面嘅Project,推出自己嘅品牌更係我嘅夢想,我知道建立一個品牌並唔容易,今次係一個好好嘅學習經驗,原來做衫做品牌設計需要好多嘢,呢個係一個寶貴嘅經驗。」

Heidi表示希望推出自家品牌

分享: