拍片直擊!Yanny@SG鯨吞22粒榴槤

Yanny@Super Girls

組合Super Girls(SG)成員陳穎欣(Yanny) 熱愛食榴槤,日前她與朋友去食榴槤放題時,索性拍片放上網,見她於片中拍低成枱榴槤的「盛況」,直言已睇到流口水!她更不介意公開食相,來個全程直擊,見她戴上手套後即密密食冇停口,最後即場展示「戰績」,在碟上放上被她食完留下的榴槤核,足足有22粒,相當誇張!

戰績相當驚人……

對住男友釋放「毒氣」

事後Yanny表示當日共食了五款來自馬來西亞的榴槤,直言本想約其他成員一起來「挑戰」,不過大家就不到時間,她還透露成員中只有Cheronna對榴槤反感!對於自己一口氣食22粒榴槤,Yanny也自覺誇張:「雖然馬來西亞品種嘅榴槤好細個,但食咗咁多都真係好瘋狂好癲,我近傍晚嗰陣去食,結果冇食晚飯,食榴槤食到飽,而且好漏。」她還笑言食得太多的關係,導致這星期見到榴槤都驚驚。至於男友看到她狂食榴槤有何反應?她表示:「嗰日我拎咗三件榴槤返去,佢一件都冇食,但佢唔抗拒陣味,而我就不斷同佢講嘢,問佢聞唔聞到我個口有榴槤味。」

Yanny有榴槤就好開心
仲唔介意公開食相
分享: