搵漢洋賣「肉」 李霖恩歌舞劇票房告急

李霖恩、漢洋

藝人李霖恩由演員變成經理人公司老闆,最近他投資近7位數籌辦歌舞劇《我就嚟係歌手》,除安排旗下藝人湯沛宜、杜大偉、賴嘉瑩及陸蔚綝演出外,還誠邀多位圈中好友漢洋、蔡頌思、譚嘉荃、蘇姍等擔演。

賣得一半

日前李霖恩率領一眾歌舞劇演員出席宣傳活動,期間透露將於今個月19日公演,並以70-90年代的金曲為主,但暫時銷情並不理想,很大機會蝕錢:「第一次搞舞台劇,劇本係自己嘅原創故事,希望可以有多啲純本地製作,不過仲有兩星期就公演,可能香港人睇舞台劇嘅風氣好少,所以票房好弱,只得半數,都擔心會蝕入肉。」但他卻無悔今次投資,直言當是吸取經驗,嘗試不同的發展。

李霖恩首次投資舞台劇,但好大機會蝕入肉

漢洋自嘲「臘肉」

另外在活動尾聲時,大會安排了一個驚喜的切生日蛋糕儀式送給「壽星仔」漢洋,逗得漢洋非常高興,事後他坦言相當驚訝,更表示:「今次係我首度演戲,但可以話係畀李霖恩『跣』,原本我話客串,以為得一兩句對白,但結果竟然有半套劇的戲份,而且仲要演一個全程赤膊上陣嘅豬肉佬,我又唔係『小鮮肉』,我係『臘肉』,真係又要露肉,又驚會發台瘟,所以我同霖恩講,如果我做得唔好,Cut走我啲戲份我都唔介意。」

漢洋透露今次會赤膊上陣演豬肉佬

此外,曾參加《中國好聲音》、來自馬來西亞的陸蔚綝,剛簽約成李霖恩經理人公司旗下藝人,她希望來港發展歌唱事業,而今次亦是她首次參演歌舞劇,屆時將會又跳又唱,實行瞓身演出。

陸蔚綝中剛簽約成李霖恩經理人公司旗下藝人
大合照
分享: