小鮮肉騷Quali!吳偉豪《開心速遞》半裸晒肌益網民

吳偉豪(影片截圖)

藝人吳偉豪有着俊朗的外表以及不俗的身材,加上今年才滿20歲夠晒嫩口,成為無綫新晉「小鮮肉」!儘使作為小鮮肉之一,吳偉豪卻沒有什麼機會騷吓Quali,不過到了昨晚(2號)播出的《愛·回家之開心速遞》,短短廿幾分鐘竟出現幾幕他的露肉鏡頭,睇到一班網民流晒口水!

吳偉豪(影片截圖)

好身材任睇

劇情講到楊秀惠飾演的「湯圓圓」不小心把吳偉豪飾演的「朱凌凌」弄髒,故楊秀惠帶吳偉豪到畫室換乾淨衣服,期間她發現對方身材原來不俗,直言:「你都幾大隻㗎喎!」她更邀請吳偉豪做人體素描模特兒,正因為這樣吳偉豪的Body就畀大家任睇足足兩分鐘,而吳偉豪雖然身材算瘦,不過除衫後胸肌腹肌齊晒,仲十分結實!之後有一幕吳偉豪更是除淨條Boxer,搞到好兄弟金城安(周嘉洛飾)都忍唔住周身摸,更表示:「平時包到咁實,原來你咁大隻?個腹好硬喎,個胸咁澎湃嘅?」

楊秀惠睇中吳偉豪副Body,邀請佢做自己嘅模特兒(影片截圖)
吳偉豪有幕仲除淨條Boxer(影片截圖)

網民睇到心心眼

其實唔止安仔,不少網民都驚訝原來吳偉豪禾稈冚珍珠,大讚他身材弗爆的同時更表示睇到心心眼,還直言:「女的歡呼,男的羨慕!」另外有網民卻笑問:「點解一集可以脫咁多?」不過吳偉豪的Body如此養眼,相信一班網民應該唔會厭嘅!

朱凌凌副好Body搞到安仔都忍唔住摸(影片截圖)
有網民透露吳偉豪同周嘉洛都曾經喺劇集騷肌(網上圖片)
分享: