【開心速遞】「朱凌凌」吳偉豪同新成員楊秀惠玩師生戀?

楊秀惠(影片截圖)

處境劇的好處就是儘使有人暫時離開劇組或退出,亦能有新角色加入,為觀眾帶來新鮮感,昨晚(2號)播出的《愛·回家之開心速遞》就有新角色出現,她正是飾演「當代藝術」大學講師「湯圓圓」的楊秀惠。

朱凌凌有新感情線?

楊秀惠在劇中深受男同學歡迎,並且認為她好靚女,其中更包括被友人取笑「平時對女人冇興趣」的「朱凌凌」吳偉豪,他還一臉冧爆表示:「以lecturer嚟講,佢又真係幾靚嘅!」唔通朱凌凌想學人玩師生戀?不過劇集最尾一幕講到楊秀惠一個分手幾年的前度找她,言談間發現楊秀惠原來接受不到男方年紀比自己細,仲要只細10日也不行,比對方細10年的吳偉豪得悉後更是擺出一副生無可戀的表情!

吳偉豪第一眼見到楊秀惠個樣勁冧(影片截圖)
當吳偉豪知道楊秀惠接受唔到姊弟戀後個樣勁灰(影片截圖)

網民接受唔到

雖然兩人之後會否發展感情線就是未知之數,不過網民對於楊秀惠這新角色似乎就不太滿意,他們認為楊秀惠的樣貌比以前變得奇怪,講對白也變得不自然,不太討好,更有網民直言只接受朱凌凌與安仔的「HEHE情」,接受不了朱凌凌喜歡其他人!

吳偉豪喺今集仲有唔少露肉鏡頭添(影片截圖)
分享: