性感現身晚宴做司儀 陳偉琪拗手瓜不敵程瑤

程瑤、陳偉琪

藝人陳偉琪日前獲「仁美清叙」主席程瑤的製作公司睇中,為一間大型公司的晚宴擔任司儀,首次與陳國峰合作的陳偉琪更性感現身,吸引大批賓客「集郵」。

下次搵機會「報仇」

晚宴上陳偉琪更與程瑤及前亞姐施綺蓮上演一場拗手瓜比賽,面對兩位「前輩」,平時熱愛運動的陳偉琪被現場賓客視為大熱門,豈料她與程瑤對戰時卻落敗,最後由施綺蓮勝出。對於不敵程瑤,陳偉琪直言輸贏不重要,只想炒熱現場氣氛:「其實程瑤都係做開運動,佢好大力,我無特別讓賽,最重要係當晚氣氛好好。」她笑言常與對方合作做騷,故不乏機會「復仇」:「我有時間都會做運動,可能下次我會贏呢!」

程瑤指陳偉琪讓賽

至於程瑤對於贏了後輩,直言只是對方「讓賽」︰「事前我覺得點都贏唔到佢,佢咁青春,又做好多運動,開頭用盡全力佢都面不改容,可能佢見我咁辛苦讓我啦!」

陳國峰(左一)與陳偉琪(右一)擔任晚宴司儀
陳偉琪(右)拗手瓜不敵程瑤
分享: