狂食好嘢肥咗唔少 余香凝日本開工要「禁食」

廖子妤、余香凝

藝人余香凝(Jennifer)及廖子妤(Fish)出席時裝品牌活動,二人近期密密接拍電影,剛從日本拍攝新戲的Jennifer,後日又要再飛日本繼續開工,她笑言之前於當地工作太為食導致體重增了不少,故今次再到日本開工要忍口:「實在有太多美食,去到不斷食,結果發現拍到尾聲嗰陣,再着返帶嚟嘅衫差啲着唔到。」故此她最後幾天要即時節食,留在酒店食菜「充飢」!另外問到Jennifer又飛去工作,男友陳家樂有否詐型?她表示男友也有很多拍攝工作,這段時間見面減少,但有時間仍會抽空食晚飯。

想去晒台灣嘅博物館

至於Fish稍後也要飛到台灣拍攝新劇,她直言因經常到台灣旅行,故對當地非常熟悉,不過工作卻是第一次,她直言若有拍攝空檔,希望可以去當地博物館:「我未必會去行街Shopping,反而我係好愛去博物館嘅人,所以想去晒台灣嘅博物館。」

余香凝直言喺日本食得太多好嘢搞到肥咗唔少
廖子妤表示自己鍾意行博物館多過行街Shopping
分享: