認真失威!G.E.M.打電話示愛遭「拒接」

G.E.M.及農夫

歌手鄧紫棋(G.E.M.)與團隊特別設計的棋盤遊戲《卡拉O棋》,每集會邀請不同藝人到K房與她進行對決,一邊唱歌一邊捉棋。除了擲骰仔鬥快到終點,途中隨時會抽到「機會卡」接受各種懲罰,繼頭兩集找來林欣彤及馬來西亞歌手黃明志後,最新一集請來農夫(陸永、C君)接受挑戰。

C君及陸永玩得幾投入

G.E.M.連打五次電話均遭「拒接」

遊戲剛開始農夫已抽中機會卡進行「食餅挑戰」,陸永將朱古力餅放在額頭,C君要在不用雙手的情況下吃掉餅乾,期間陸永開玩笑說:「你直頭當食薛家燕額頭粒墨,我平時都係咁樣咬家燕媽媽。」至於G.E.M.接受的另一懲罰是打視像電話給任何一人表白說「我愛你」,起初她還得戚表示「太簡單」,豈料連打五次電話都無人接聽,連媽媽及外公也相繼「拒接」,弄得C君也忍不住寸她:「玩呢個遊戲測試到其實冇乜人願意聽你電話。」最後C君提議致電給他一位 「G.E.M.迷」朋友,當 G.E.M. 在視像電話中向對方講「我愛你」後,這位朋友竟瞬間面紅,農夫笑言:「呢位朋友有老婆㗎,睇嚟佢今次婚姻會面臨破裂,遲啲幫佢搞分居。」

G.E.M.狂打電話都冇人聽,認真失威

農夫趁機追問G.E.M. 身家

農夫在互問環節中也趁機追問 G.E.M. 身家,更提出選擇題:「A/ 多過阿Bob;B/ 多過Do姐;C/ 多過佢哋加埋」起初G.E.M. 被問到口啞啞,最後反客為主反問農夫的身家,C君自爆:「我身家多過陸永600倍。」陸永笑言自己全副身家其實只有幾千元。

G.E.M.也向農夫問了一道「情景題」:「如果依家世界末日,你有幸搭上飛船,但因為冷凍倉故障而令你意外提前甦醒,你發現船上只有兩個人喺冷凍倉沉睡,你會選擇顧念兄弟情叫醒 C君或陸永一起玩,定係叫醒 G.E.M.同你繁殖人類下一代?」誰知陸永竟抵死回答:「我會叫醒兄弟 C君同 G.E.M. 玩繁殖,因為如果只有我嘅基因一定唔足夠,世界會唔平衡。」嚇得G.E.M.方寸大亂,立即轉移話題。

最後嚟返個合唱

最後G.E.M. 成功反超前先到達終點,落敗的農夫須轉動一早預備好的「八大輪刑」決定大懲罰,最終農夫要以普通話Rap廣東歌《舉高隻手》,過程中瘋狂唱錯歌詞及喪甩Beat,笑料百出。

分享: