「老竇」古天樂角逐影帝 陳漢娜怕醜唔敢當面打氣

陳漢娜、古天樂

入圍今屆金像獎「最佳新演員」的藝人陳漢娜(Hanna)昨晚(12號)出席香港電影工作者總會春茗,期間更與同樣憑《殺破狼·貪狼》入圍角逐影帝的「父親」古天樂「重逢」,Hanna直言自電影上映後,大家各有各忙,已有一段時間沒與對方見面,故二人重遇感到非常開心:「仲有林家棟,大家已經好耐冇見,今次春茗聚埋一齊好開心,我好鍾意一大班人嘅聚會,而且見到好多同行,我好享受一大班人做電影嘅感覺,希望之後都可以繼續參加。」

直接打氣好老土

提到戲中的「父親」古天樂及林家棟均提名金像獎,Hanna直言定必支持他們,但自言怕醜的她不敢當面為二人打氣:「我當然支持佢哋,不過我好怕主動咁走過去同佢哋打氣,我唔係怕佢哋,只係自己有啲怕醜,當然轉頭有機會都會同佢哋傾偈,直接打氣就好老土。」

陳漢娜直認怕醜唔敢當面為古天樂同林家棟打氣
陳漢娜、古天樂
分享: